www.jobs24.ge
ყველა განცხადება ვაკანსიები ტრეინინგები ტენდერები რეზიუმე რეგისტრაცია შესვლა დაგვიკავშირდით
GEO | ENG
 
 
 
დასახელება: ეკონომიკის სამაგისტრო პროგრამა
მომწოდებელი: ISET - თსუ ეკონომიკის საერთაშორისო სკოლა
გამოქვეყნდა: 10 მარტი / განცხადების ვადა: 27 აპრილი

თსუ ეკონომიკის საერთაშორისო სკოლა (ISET) აცხადებს საბუთების მიღებას ეკონომიკის ორწლიან სამაგისტრო პროგრამაზე. ISET-ის სამაგისტრო პროგრამა შეესაბამება აშშ-ის და დასავლეთ ევროპის უნივერსიტეტების პროგრამებს. სწავლება მიმდინარეობს ინგლისურ ენაზე. უნივერსიტეტში ასწავლიან მსოფლიოს სხვადასხვა ქვეყნებიდან მოწვეული პროფესორები.

სამაგისტრო პროგრამაზე დარეგისტრირება ხდება ონლაინ რეჟიმში, ვებ-გვერდზე www.iset.ge. რეგისტრაციის ბოლო ვადაა 2017 წლის 27 აპრილი. მისაღები გამოცდები ინგლისურ ენასა და მათემატიკაში ჩატარდება 2017 წლის მაისის დასაწყისში.

ყველა ჩარიცხული სტუდენტი გაივლის უფასო მოსამზადებელ კურსს მათემატიკაში (3 კვირა, აგვისტო, 2017 წელი). გარდა ამისა, სამაგისტრო პროგრამის პირველ სემესტრში სწავლა უფასოა ყველა ჩარიცხული სტუდენტისთვის (8 კვირა, სექტემბერი-ოქტომბერი, 2017 წელი).

ფინანსური მხარდაჭერა:

** სტიპენდიები: წარმატებული სტუდენტები მიიღებენ ყოველთვიურ სტიპენდიას 75-200 აშშ დოლარის ოდენობით.
** საცხოვრებელი ბინებით უზრუნველყოფა: საცხოვრებელი ბინებით უზრუნველყოფილი იქნებიან ის ქართველი სტუდენტები, რომლებიც დაასაბუთებენ ამის საჭიროებას.
** დაფინანსება: ყველა წარმატებული სტუდენტი მიიღებს ISET-ის სრულ ან ნაწილობრივ დაფინანსებას, რაც, შესაბამისად, დაფარავს სწავლის საფასურს.
** სტუდენტური სესხები: ISET სტუდენტებს სთავაზობს შეღავათიანი, დაბალპროცენტიანი საბანკო სესხების პროგრამას, რაც დაეხმარება მათ სწავლის საფასურის დაფარვაში.
** სახელმწიფო გრანტი: სტუდენტებს, რომლებიც მიიღებენ საქართველოს სახელმწიფო გრანტს, შესაძლებლობა ექნებათ, თანხა გამოიყენონ ISET-ის სწავლის გადასახადის დასაფარავად.

მომავლის პერსპექტივები:

** საერთაშორისო სტუდენტური გაცვლითი პროგრამები: მეორე კურსის სტუდენტებს საშუალება აქვთ, მონაწილეობა მიიღონ ჩვენი პარტნიორი ორგანიზაციების მიერ მოწყობილ საზაფხულო სკოლებსა და კვლევით ვორქშოპებში ნორვეგიასა და შვეიცარიაში. ენერგეტიკის ეკონომიკის კონცენტრაციის სტუდენტებს საშუალება ექნებათ, ერთი სემესტრი ისწავლონ ნორვეგიის ეკონომიკის სკოლაში, ბერგენში.
** გამოყენებით კონცენტრაციებში მონაწილეობა, როგორებიცაა: სოფლის მეურნეობის ეკონომიკა, ენერგეტიკა და გარემოს დაცვა, მაკროეკონომიკური პოლიტიკა, კერძო სექტორის განვითარება და სოციალური პოლიტიკა, რომლებიც ხორციელდება ნორვეგიის ეკონომიკის სკოლასთან, ლოზანის უნივერსიტეტსა და სხვა საერთაშორისო უნივერსიტეტებთან თანამშრომლობით.
** დასაქმება და პროფესიული სტაჟირება: ISET-ის 287 კურსდამთავრებულიდან ყველა დასაქმებულია ან სწავლას აგრძელებს საზღვარგარეთ. ISET-ის კურსდამთავრებულებს უკავიათ წამყვანი თანამდებობები რეგიონსა და საზღვარგარეთ. ISET სტუდენტებს სთავაზობს სტაჟირებას ISET-ის კვლევით ინსტიტუტში, სახელმწიფო დაწესებულებებში, კერძო კომპანიებსა და ისეთი საერთაშორისო ორგანიზაციების წარმომადგენლობებში, როგორიცაა მსოფლიო ბანკი, ევროპის რეკონსტრუქციისა და განვითარების ბანკის (EBRD) ლონდონის ოფისი და სხვ.
** სწავლის გაგრძელება აშშ-ისა და ევროპის წამყვან სადოქტორო პროგრამებზე, სრული დაფინანსებით. ამჟამად ჩვენი კურსდამთავრებულები სწავლობენ სტენფორდის, ჩიკაგოს, ნიუ იორკის, ვაშინგტონის, პენსილვანიის, ვორვიკის და სხვა უნივერსიტეტებში.

რეგისტრაცია:

რეგისტრაციისა და მიღების პროცესი შედგება სამი ძირითადი ეტაპისგან: (1) ონლაინ განაცხადის შევსება, (2) მისაღები გამოცდების ჩაბარება, (3) გასაუბრება, საჭიროების შემთხვევაში. საქართველოს მოქალაქეები ვალდებულნი არიან, ჩააბარონ საერთო სამაგისტრო გამოცდა.

დამატებითი ინფორმაციისა და რეგისტრაციისათვის: www.iset.ge

საკონტაქტო პირი:

მაია სურგულაძე
AdmissionsMA@iset.ge
ტელ.: 250 71 77, შიდა 104



 
 
 Copyright © Jobs24.ge 2011-2016 All rights reserved.
ყველა განცხადება | ვაკანსიები | ტრეინინგები | ტენდერები | რეზიუმე |

Рейтинг@Mail.ru