კომპანია არომაპროდუქტი/Georgia`s Natural 2006 წლიდან ახორციელებს ორგანული პროდუქტის მოყვანა/შეგროვებას, გადამუშავება/წარმოებას და რეალიზაციას.

ჩვენ ვმართავთ საერთაშორისო სტანდარტების შესაბამისად გაშენებულ ორგანული ბაღებს ყვარელში, თანამედროვე ტექნოლოგიებით აღჭურვილი წარმოებას ყვარელსა და თბილისში, საერთაშორისო სადისტრიბუციო ქსელს და 2020 წლიდან საქართველოს ბაზარზე საცალო ვაჭრობას, თბილისის და ბათუმის დიდ სავაჭრო ცენტრებში წარმოდგენილი ორგანული ბარების სახით.

ჩვენი საექსპორტო ბაზარი, 25 ქვეყანას მოიცავს:აშშ, ევროკავშირის ქვეყნები, კანადა, ავსტრალია, იაპონია, ისრაელი, არაბთა გაერთიანებული საამიროები, საუდის არაბეთი, ჩინეთი, სამხრეთ კორეა, ტაივანი, სინგაპური, მალაიზია, ვიეტნამი, ლატვია, უკრაინა, სამხრეთ აფრიკა და ა.შ.

კომპანიის მთავარი მიზანია საერთაშორისო ორგანულ ინდუსტრიაში იყოს ერთ-ერთი წამყვანი ორგანული პრემიუმ ხარისხის პროდუქტის მწარმოებელი გლობალური ბრენდი და აამაღლოს საქართველოს, როგორც მაღალი პოტენციალის მქონე ქვეყნის ცნობადობა საერთაშორისო ბაზარზე, ორგანული მებაღეობის, ველური შეგროვების და ორგანული წარმოების კუთხით.

კომპანია არომაპროდუქტი/Georgia`s Natural არ არის მხოლოდ ბიზნესი — ეს არის ქართულ მიწაზე შექმნილი ქართული ინოვაციური პროდუქტი, რომლის ხარისხსაც დღეს უკვე აღიარებენ მსოფლიოს მრავალ ქვეყანაში. დეტალურ ინფორმაციას შეგიძლიათ გაეცნოთ ვებ. გვერდზე https://www.georgiasnatural.com/ ან Facebook გვერდზე georgias natural

ჩვენ ვეძებთ მოტივირებულ HR სპეციალისტს, რომელსაც უყვარს ადამიენები, აქვს ეფექტური კომუნიკაციის უნარი, საქმეს უდგება მაღალი პასუხისმგებლობით, არის დეტალებზე ორიენტირებული და პუნქტუალური.

სამუშაო ადგილი: თბილისი, სანზონა
სამუშაო საათები:09:30-18:30
დასვენება: შაბათი კვირა
ანაზღაურება: 3 თვიანი გამოსაცდელ პერიოდის განმავლობაში 1200 ლარი, გამოსაცდელი პერიოდის შემდეგ 1500 ლარი.

ფუნქცია მოვალეობები:

** სხვადასხვა შერჩევის არხებით ვაკანტური პოზიციების შესახებ ინფორმაციის გავრცელება;
** რეზიუმეების გადარჩევა და შერჩევის პროცესში მონაწილეობის მიღება;
** კანდიდატების ბაზების წარმოება და რეზერვების მართვა;
** შრომითი ხელშეკრულებებისა და სხვა HR დოკუმენტაციის მომზადება;
** პერსონალის ბაზების მართვა და განახლება;
** თანამშრომლების პირადი საქმეების წარმოება;
** შიდა რეგულაციების და შრომის კოდექსის დაცვის კონტროლი;
** სხვადასხვა HR პროცესებში ჩართულობა.

საკვალიფიკაციო მოთხოვნები:

** უმაღლესი განათლება (იურიდიული, ფსიქოლოგიური ან/და ბიზნეს ადმინისტრირების მიმართულებით)
** საოფისე კომპიუტერული პროგრამების MS Office : Word, Excel, PowerPoint მაღალ დონეზე ცოდნა;
** ინგლისური ენის მაღალ დონეზე ცოდნა;
** რეკრუტინგის მიმართულებით მუშაობის 1 წლიანი გამოცდილება.

თუ აკმაყოფილებთ საკვალიფიკაციო მოთხოვნებს და მზად ხართ, გახდეთ ჩვენი გუნდის წევრი, გამოგვიგზავნეთ თქვენი რეზიუმე/CV შემდეგ ელ.ფოსტაზე career@georgiasnatural.com და გთხოვთ, წერილის სათაურში მიუთითეთ HR სპეციალისტი.

თქვენს მიერ გამოგზავნილი რეზიუმე "პერსონალურ მონაცემთა დაცვის შესახებ" საქართველოს კანონის შესაბამისად, შესაძლოა შეიცავდეს პერსონალურ მონაცემებს. გაცნობებთ, რომ თქვენ მიერ გაზიარებული პერსონალური მონაცემების დამუშავება განხორციელდება შპს "არომაპროდუქტის" მიერ (ს/ნ: 200002362; იურ. მის.: ქ. თბილისი, გურამიშვილის გამზ. N17მ, საფოსტო ინდექსი: 0192) საერთაშორისო სტანდარტებისა და მოქმედი კანონმდებლობის შესაბამისად. თქვენი პერსონალური მონაცემები ჩვენი მხრიდან დამუშავდება მხოლოდ თქვენთან შრომითი ურთიერთობის დამყარების შესახებ გადაწყვეტილების მიღებისთვის. თქვენს მიერ გამოგზავნილი რეზიუმე შესაძლოა დარეზერვებული და განხილული იყოს სხვა ვაკანტურ პოზიციაზე. ასევე გაცნობებთ, რომ თქვენ მიერ გამოგზავნილი ინფორმაციის (CV/რეზიუმე/სააპლიკაციო ფორმა) შენახვის ვადა განისაზღვრება ერთი წლით. სააპლიკაციო ფორმის მეშვეობით მონაცემთა გაზიარების შემთხვევაში, სავალდებულოა ყველა ველის შევსება. არასრული შევსების შემთხვევაში, თქვენი განაცხადი არ განიხილება. თქვენ უფლება გაქვთ, მიიღოთ ინფორმაცია თქვენ შესახებ დამუშავებულ მონაცემთა თაობაზე და მოითხოვოთ მათი გასწორება, განახლება, დამატება, დაბლოკვა, წაშლა და/ან განადგურება. მოქმედი კანონმდებლობით განსაზღვრული უფლებების განხორციელებისთვის, გთხოვთ, მოგვმართეთ შემდეგ ელექტრონულ ფოსტაზე: career@georgiasnatural.com; ინფორმაციის (CV/რეზიუმე/სააპლიკაციო ფორმა) გაზიარებით თქვენ აცხადებთ თანხმობას ზემოაღნიშნულზე.