სმარტ აკადემია 2018 წელს დაარსდა და მას შემდეგ აქტიურად ვმუშაობთ, რომ ახალი პროფესიის დაუფლების მსურველებს ხარისხიანი განათლება მივაწოდოთ. დღეს ჩვენთან ქვეყნის მასშტაბით ყველაზე მეტი სასწავლო კურსი ტარდება 5 სხვადასხვა მიმართულებით: დიზაინი, მარკეტინგი, ინფორმაციული ტექნოლოგიები და პიროვნული განვითარება.
ჩვენს მეგობრულ და განვითარებაზე ორიენტირებულ გუნდში ვეძებთ ახალ წევრს კარიერული განვითარების მენეჯერის პოზიციაზე.
რა იქნება შენი ფუნქცია-მოვალეობები და პასუხისმგებლობები:
** სტუდენტების პორტფოლიოების საფუძვლიანი შესწავლა;
** არსებული სტუდენტების საჭიროებების კვლევა და მათთვის კარიერული კონსულტაციის გაწევა;
** პარტნიორ კომპანიებთან კომუნიკაცია და ახალი კომპანიების მოძიება ურთიერთთანამშრომლობისთვის;
** შრომითი ბაზრის კვლევა, ახალი შესაძლებლობების იდენტიფიცირება;
** ვაკანსიების მოძიება და სტუდენტებისთვის გაზიარება;
** Სტუდენტთა დასაქმების ხელშეწყობა;
** რეპორტინგის წარმოება;
კარგი იქნება რომ გქონდეს:
ბაკალავრის ხარისხი ბიზნეს ადმინისტრირების, ფსიქოლოგიის ან სხვა მომიჯნავე დარგში;
მოლოდინი გვაქვს, რომ ჩვენი გუნდის ახალ წევრს:
** ექნება მინიმუმ 1 წლიანი სამუშაო გამოცდილება HR ასისტენტის, კარიერის კონსულტირების ან მომიჯნავე სფეროში;
** შეეძლება ქართულ და ინგლისურ ენაზე გამართული ვერბალური და წერითი კომუნიკაცია;
** ეცოდინება საოფისე კომპიუტერული პროგრამები;
რას გთავაზობთ ჩვენ:
** მეგობრულ სამუშაო გარემოს;
** განვითარების შესაძლებლობას;
** ჯანმრთელობის კორპორატიულ დაზღვევას;
** უწყვეტი განვითარების შესაძლებლობას, რაც გულისხმობს 50%-100%-მდე დაფინანსებას "სმარტ აკადემიის" ნებისმიერ კურსზე;
სამუშაო განაკვეთი: ორშაბათი - პარასკევი 11:00-19:00, კვირაში 35 საათი
სამუშაო ადგილი: თბილისი, ზედაზნის ქუჩა #2.
რეზიუმე გამოგვიგზავნე აქ: talents@smartacademy.ge და სათაურის ველში მიუთითე პოზიციის დასახელება.
ჩვენ ვგმობთ და ვემიჯნებით ნებისმიერი სახის დისკრიმინაციასა და სექსუალურ შევიწროებას, როგორც წინასახელშეკრულებო (მათ შორის, ვაკანსიის შესახებ განცხადების გამოქვეყნებისას და შერჩევის ეტაპზე), ისე, შრომითი ურთიერთობის ფარგლებში. ვაღიარებთ პირთა მიმართ თანაბარი მოპყრობის პრინციპს და გვაქვს მოლოდინი, რომ ჩვენ მსგავსად, კანდიდატები ემხრობიან ნებისმიერი სახის დისკრიმინაციის აკრძალვას, რასის, კანის ფერის, ენის, ეთნიკური და სოციალური კუთვნილების, ეროვნების, წარმოშობის, ქონებრივი ან წოდებრივი მდგომარეობის, საცხოვრებელი ადგილის, ასაკის, სქესის, სექსუალური ორიენტაციის, შეზღუდული შესაძლებლობის, რელიგიური, საზოგადოებრივი, პოლიტიკური ან სხვა გაერთიანებისადმი, მათ შორის, პროფესიული კავშირისადმი, კუთვნილების, ოჯახური მდგომარეობის, პოლიტიკური ან სხვა შეხედულების გამო ან სხვა ნიშნით.
პერსონალური მონაცემების დამუშავება განხორციელდება შპს "სმარტ გრუფის" მიერ, რომელიც მოქმედებს მონაცემთა დაცვის სტანდარტებთან და მოქმედ კანონმდებლობასთან შესაბამისობაში. პერსონალური მონაცემების დამუშავების მიზანია კანდიდატის შესაბამისობის დადგენა არსებულ/სამომავლო ვაკანსიის მოთხოვნებთან, დასაქმების თაობაზე გადაწყვეტილების მიღების მიზნით და შეინახება არაუმეტეს 2 წლის ვადისა.
