გამარჯობა. მე ვარ თეონა, Gorgia-ს დეკორაციის კატეგორიის მენეჯერი. ჩვენი ძირითადი მიმართულებაა ლაქ-საღებავი და შპალერი. ამ ეტაპზე ვეძებ აქტიურ, ენერგიულ და განვითარებაზე ორიენტირებულ ადამიანს ქოლორისტის და კონსულტანტის პოზიციაზე. ჩვენ ვართ წამყვანი კომპანია საღებავების მიმართულებით, შესაბამისად თქვენ გექნებათ შანსი მიიღოთ ცოდნა საღებავებზე და ფერების დამზადებაზე. ასევე, წარმატებული კადრები მიგვყავს ქარხანაში ცოდნის გასაღრმავებლად. გპირდებით, რომ 3 თვეში შეგასწავლით ბრენდის სრულ ასორტიმენტს და გახდებით კვალიფიციური კადრი საღებავების მიმართულებით. აუცილებლად დაგასწრებთ მომწოდებლის მიერ დაორგანიზებულ ყველა ტრენინგს.
მთავარია გიყვარდეს გაყიდვები, ხალხთან კომუნიკაცია და მომხმარებლებისთვის ინფორმაციის მიწოდება.
გორგია არის ადგილი, სადაც შრომა და მოტივაცია აუცილებლად ფასდება.
გელოდები... წინ ბევრი სიახლე და საინტერესო გამოცდილება გელოდებათ.
სამშენებლო-სარემონტო მასალების ჰიპერმარკეტების ქსელი "გორგია" აცხადებს ვაკანსიას ქოლორისტის პოზიციაზე, თბილისში.
"გორგია" პირველი ქართული კომპანიაა, რომელიც უკვე ევროკავშირში საცალო ვაჭრობით არის წარმოდგენილი. გორგია მომხმარებლებს 4 000 ზე მეტი დასახელების საერთაშორისო ბრენდს და 50 000-ზე მეტი დასახელების სამშენებლო-სარემონტო, საყოფაცხოვრებო პროდუქციას სთავაზობს. დღესდღეობით კომპანია აერთიანებს 2000-ზე მეტ თანამშრომელს, კომპანიის მთავარი ღირებულებებია: მუდმივი განვითარება; წარმატების გაზიარება; ჩვენ არასოდეს ვამბობთ "არ" ან "ვერ", შეუძლებელი არაფერია.
კომპანიისთვის მთავარი მიზანია ხარისხიანი პროდუქცია შესთავაზოს მომხმარებელს და კონკურენტული იყოს დაბალი ფასის შეთავაზებით.
გორგია წარმოდგენილია 13 ფილიალით, როგორც საქართველოში ყველა დიდ ქალაქში, ასევე ევროკავშირის წევრ ქვეყანაში, კერძოდ ბულგარეთში. კომპანიას ჰყავს გამოცდილი და კვალიფიციური გუნდი, რომელიც უზრუნველყოფს შესყიდვებისა და გაყიდვების საერთაშორისო ტექნოლოგიების ცოდნის გაზიარებას.
კომპანიაში დაგხვდებათ სტაბილური, მუდმივ განვითარებაზე ორიენტირებული ინოვაციური და დინამიკური სამუშაო გარემო.
ბენეფიტები:
** ჯანმრთელობის დაზღვევა;
** კვება;
** თანამშრომლის ფასდაკლება;
** Fitpass.
ფუნქცია-მოვალეობები:
** მომხმარებლებისთვის კონსულტაციის გაწევა;
** საღებავის აპარატის მოვლა, ყოველდღიური ჩამოწმენდა და ტექნიკური გამართულობის უზრუნველყოფა;
** ფერის დამზადება, საღებავის ბაზების ნაშთების პერიოდული კონტროლი.
ძირითადი საკვალიფიკაციო მოთხოვნა: სასურველია მსგავს პოზიციაზე მუშაობის გამოცდილება.
პიროვნული უნარ-ჩვევები:
** ორგანიზებულობა;
** კომუნიკაბელურობა;
** დროის ეფექტურად მართვის უნარი.
დაინტერესების შემთხვევაში:
** გამოგვიგზავნეთ CV მეილზე: recruit@gorgia.ge (მეილზე გამოგზავნის შემთხვევაში, სათაურის ველში მიუთითეთ ვაკანსიის დასახელება);
** შეავსეთ მარტივი სააპლიკაციო ფორმა: https://shorturl.at/Z1He5
** ეწვიეთ ჩვენს დასაქმების საიტს: https://jobs.gorgia.ge/;
** მოგვწერეთ Facebook გვერდზე: https://www.facebook.com/GorgiaJobs/;
** შეავსეთ სააპლიკაციო ფორმა "გორგიას" ნებისმიერ ფილიალში;
აღნიშნულ ვაკანსიაზე მონაცემების გაგზავნით ეთანხმებით, რომ სასურველი პოზიციის დასაკავებლად თქვენი განცხადების განხილვის ეტაპზე, კომპანია "პერსონალურ მონაცემთა დაცვის შესახებ" საქართველოს კანონის მე-5 მუხლის პირველი პუნქტის "ბ" ქვეპუნქტის დაცვით დაამუშავებს წარდგენილ ინფორმაციას. აგრეთვე, გაქვთ უფლება მიიღოთ ინფორმაცია თქვენ შესახებ დამუშავებულ მონაცემთა თაობაზე, მოითხოვოთ მათი გასწორება, განახლება, დამატება, შეწყვეტა, დაბლოკვა, წაშლა, განადგურება, გაქვთ გაცნობისა და ასლის მიღების უფლება, თანხმობის გამოხმობის უფლება- (თანხმობის გამოთხოვის უფლება შეზღუდულია იმ შემთხვევაში, თუ პირი დაინიშნება ვაკანტურ პოზიციაზე), გასაჩივრების უფლება. (შეგიძლიათ მოგვმართოთ: info@gorgia.ge)
პირის ვაკანტურ პოზიციაზე შეუსაბამობის შემთხვევაში, მის მიერ წარდგენილი დოკუმენტაცია განადგურებულ იქნება უარყოფითი პასუხის მიღებიდან 3 (სამი) თვის ვადაში.
