"წისქვილი ჯგუფი" ტრადიციული ქართული გემოების, ატმოსფეროსა და კულტურის ერთობლიობაა, რომელიც 2002 წლიდან მასპინძლობს სტუმრებს თბილისში წარმოდგენილ სამ სხვადასხვა ლოკაციაზე. წისქვილში შექმნილი გარემო, თავს გვახვევს ნოსტალგიურ განწყობას და პირდაპირ ასოცირდება იმ ტრადიციებთან, რაც წლების განმავლობაში ქმნიდა ფაქტობრივად ბრენდად ჩამოყალიბებულ - "ქართულს". ამის პარალელურად, არ ჩამორჩება თანამედროვე ტენდენციებს და ყველა გემოვნების მომხმარებელს სთავაზობს საგულდაგულოდ მოწყობილ კუთხეს. კომპანიას არსებობის დღიდან დამსახურებულად აქვს მიღებული ჯილდოები მისი ხარისხისა და სტუმარ-მასპინძლობის დამსახურებით (Golden Brand Award 2005-2012, International NBR Award, Tripadvisor Certificate Of Excellence Winner 2019 და სხვა..)
მოხარულები ვართ გაცნობოთ, რომ "წისქვილი ჯგუფის" დიდ გუნდში გვაქვს ჯავშნების მენეჯერის ვაკანტური პოზიცია.
სამუშაო გრაფიკი: 8 საათიანი ცვლები.
სამუშაო ადგილი: თბილისი, გამსახურდიას სანაპირო #80
ძირითადი მოვალეობები:
** შემოსული მოთხოვნების დამუშავება, შეთავაზების მომზადება;
** კონსულტაციის გაწევა მენიუს, პროგრამისა და დამატებით სერვისების შესახებ;
** პირობების შეთანხმება დამკვეთთან, ინვოისის მომზადება, ანგარიშსწორების მონიტორინგი;
** დამუშავებული და შეთანხმებული დაკვეთის შესაბამისად, შესასრულებელი სამუშაოების დაგეგმვა;
** ღონისძიების მიმდინარეობის პროცესში მჭიდრო კომუნიკაცია პერსონალთან და დამკვეთთან;
** დაქვემდებარებული პერსონალის მართვა, დღის დაგეგმვა და პოზიციების განაწილება;
** ჯავშნების კალენდრის წარმოების პროცესის გამართვა;
** კომპეტენციის ფარგლებში, სხვა მითითებების შესრულება.
მოთხოვნები:
** ანალოგიურ პოზიციაზე მუშაობის მინიმუმ 2 წლიანი გამოცდილება;
** HORECA სექტორში მუშაობის მინიმუმ 5 წლიანი გამოცდილება;
** ინგლისური ენის Advanced დონეზე ცოდნა;
** Microsoft Office საბაზისო ცოდნა.
თუ თვლით, რომ თქვენი გამოცდილება და უნარ-ჩვევები შეესაბამება ვაკანსიის მოთხოვნებს და ამავდროულად გსურთ შემოუერთდეთ "წისქვილი ჯგუფის" პროფესიონალთა გუნდს, გთხოვთ გადმოგვიგზავნოთ რეზიუმე ელ. ფოსტის მისამართზე hr@tsiskvili.ge და სათაურის ველში (subject) მიუთითოთ ვაკანსიის დასახელება.
გთხოვთ გაითვალისწინოთ, რომ რეზიუმეს გადმოგზავნით, თქვენ აცხადებთ თანხმობას კომპანიის მიერ თქვენი პირადი და პერსონალური მონაცემების დამუშავებაზე.
დაკავშირება მოხდება მხოლოდ შერჩეულ კანდიდატებთან.
გისურვებთ წარმატებებს!
