კომპანია "თერმო ცენტრი" 2001 წლიდან არსებობს ქართულ ბაზარზე. მის საქმიანობაში შედის მსოფლიოს სხვადასხვა ქვეყნებიდან ცენტრალური გათბობის, სანტექნიკის, წყალმომარაგებისა და კანალიზაციის სისტემების გასამართად საჭირო მასალების იმპორტი საქართველოში. ჩვენს ქსელში მომხმარებელს შეუძლია შეიძინოს გათბობის ქვაბები, რადიატორები, აბაზანის საშრობები, წყალგაყვანილობის და სანტექნიკის მონტაჟისთვის საჭირო ცივი და ცხელი წყლის პლასტმასის მილები და სხვა მოწყობილობები. კომპანიის მიზანი და წარმატების მთავარი ფაქტორი, ჩვენ მიერ შემოთავაზებული ხარისხიანი და ინოვაციური პროდუქციაა.
შპს "თერმო ცენტრი" აცხადებს ვაკანსიას მძღოლ-ექსპედიტორის პოზიციაზე.
სამუშაო ადგილი: ქ. თბილისი, შალვა გოგიძის ქ. N6
ანაზღაურება: 1500 ლარი (NET)
ძირითადი ფუნქცია-მოვალეობა:
** საწყობიდან / მაღაზიიდან პროდუქციის დროულად მიტანა დანიშნულების ადგილზე;
** სამუშაო ავტომობილის გამართული მდგომარეობის უზრუნველყოფა;
** პროდუქციის უსაფრთხო გადაზიდვა;
საკვალიფიკაციო მოთხოვნები:
** მსგავს პოზიციაზე მუშაობის გამოცდილება ჩაითვლება უპირატესობად
** აუცილებელია მართვის მოწმობის B და C კატეგორია;
პიროვნული თვისებები და უნარ-ჩვევები:
** ორგანიზებულობა;
** თავაზიანობა;
** ოპერატიულობა;
** პასუხისმგებლობიანი
დაინტერესების შემთხვევაში, გთხოვთ, გამოაგზავნოთ თქვენი რეზიუმე ელექტრონულ ფოსტაზე: hr@thermocenter.ge და სათაურის ველში (subject) მიუთითოთ ვაკანსიის დასახელება - "მძღოლ-ექსპედიტორი."
აღნიშნულ ვაკანსიაზე მონაცემების გაგზავნით ადასტურებთ, რომ თანახმა ხართ, კომპანიამ "პერსონალურ მონაცემთა დაცვის შესახებ" საქართველოს კანონის ფარგლებში შეაგროვოს, დაამუშაოს და შეინახოს წარდგენილი ინფორმაცია (რეზიუმე) თქვენი დასაქმებისთვის საჭირო პროცედურების წარმართვის მიზნით. პერსონალური მონაცემები გამოყენებული იქნება მხოლოდ აღნიშნული მიზნისთვის და თქვენი თანხმობის გარეშე არ გადაეცემა მესამე პირს.
გისურვებთ წარმატებას!
