ორგანიზაცია "რეგიონული განვითარების ფონდი" აცხადებს ვაკანსიას სასკოლო თეატრალური დასის რეჟისორის პოზიციაზე.
ჩვენს შესახებ : ა (ა)იპ რეგიონული განვითარების ფონდი დაარსდა 2014 წელს და მისი მიზანია დახმარების აღმოჩენა საქართველოს მოსახლეობის შეჭირვებული ფენებისათვის; სრულიად საქართველოში, განსაკუთრებით კი მის რეგიონებში, მოსწავლეთა და სტუდენტთა განათლებისა და პიროვნული განვითარების ხელშეწყობა, საქართველოს სხვადასხვა სოფლის სკოლებში განათლებასა და რესურსებზე ხელმისაწვდომობის ზრდის ხელშეწყობა და გაძლიერება.
რეგიონული განვითარების ფონდი ახორციელებს რეგიონულ საგანმანათლებლო პროგრამას რომელიც მხარს უჭერს საქართველოს მცირერიცხოვან დასახლებებში არსებულ სკოლებს. ჩვენ ვცდილობთ გავზარდოთ ახალგაზრდების სამოქალაქო ჩართულობის დონე და დავეხმაროთ მოსწავლეებს გამოიყენონ თავიანთი პოტენციალის მაქსიმუმი სასწავლო პროცესში. გვჯერა, რომ საქართველოს განვითარებისთვის აუცილებელია თაობებს მივცეთ საშუალება მიიღონ ხარისხიანი განათლება უნივერსიტეტში, პროფესიულ სასწავლებელსა თუ სახელოვნებო სკოლებში. ამჟამად, ამის საშუალება არ აქვს ყველას. ძალიან ბევრ სოფელში ცხოვრობენ ბავშვები და ოჯახები, რომლებიც ფინანსური სახსრების არ ქონის გამო რჩებიან უმაღლესი განათლების მიღმა.
ჩვენი ორგანიზაცია ყველა პარტნიორ სკოლასთან ახორციელებს კლასგარეშე აქტივობებსა და ბანაკებს, რომლების მეშვეობითაც მოსწავლეები ეუფლებიან ინგლისურ ენას, სპორტს, ტრადიციულ ცეკვასა და მუსიკას, თეატრალურ ხელოვნებას, კომპიუტერულ უნარებსა და სხვა.
ადგილმდებარეობა:
** ლაგოდეხის მუნიციპალიტეტი, სოფელ თელას საჯარო სკოლა;
** ქედის მუნიციპალიტეტი, სოფელ წონიარისის საჯარო სკოლა.
სამუშაო განაკვეთი: თავისუფალი. წელიწადში 8 თვე (კვირაში 4-5 საათი).
მოთხოვნები: თეატრალური განათლება ან ამ სფეროში გამოცდილება.
მოვალეობები:
** მუშაობა მეტყველებაზე.
** მუშაობა ეტიუდებზე.
** სხვადასხვა პიესის წაკითხვა, გარჩევა და მსჯელობა სკოლის მოსწავლეებთან ერთად.
** წელიწადში ორი სპექტაკლის დადგმა.
დაინტერესების შემთხვევაში გამოგვიგზავნეთ თქვენი CV მეილზე kakha.iakobidze@macgeorgia.org
განცხადებების მიღების ბოლო ვადაა: 25.01.2025
გთხოვთ, სათაურის ველში მიუთითოთ პოზიციის დასახელება და სასურველი რაიონი.
